InicioTerra CháCastro de ReiDetido un incendiario en Castro de Rei mentres investigan unha eléctrica por...

Detido un incendiario en Castro de Rei mentres investigan unha eléctrica por dous lumes

Durante o que vai de verán xa foron investigadas 52 persoas pola Policía Autonómica como presuntas autoras de incendios forestais.

PUBLICADA O

- Advertisement -

A Policía Autonómica esclareceu diferentes incendios nos últimos días, que pasan por dous lumes provocados por unha empresa eléctrica no Grove, así como outro caso dun incendiario reincidente en Castro de Rei (Lugo).

Respecto ao primeiro caso, investígase a unha empresa, titular dunha liña de tendido eléctrico, como principal causante de dous incendios forestais ocorridos o día 13 en Balea e na Lanzada, na parroquia de San Vicente do Mar, no municipio do Grove (Pontevedra).

Segundo informa a Xunta nun comunicado, o incendio iniciouse ao pousarse unha ave nunha das torres eléctricas que afectou a 0,27 hectáreas de superficie arboredo e 0,07 de superficie rasa. Na extinción foi necesaria a intervención do persoal contraincendios.

Deste xeito, este lume súmase á lista dos incendios producidos por tendidos eléctricos de alta tensión nos últimos tempos, entre os que destaca o que arrasou máis dun milleiro de hectáreas nos municipios coruñeses de Rianxo e Dodro no mes de marzo.

OUTROS INCENDIOS

Doutra banda, a Policía Autonómica detivo a un home de 46 anos na parroquia de Castro de Ribeiras de Lea, concello de Castro de Rei (Lugo), como presunto autor dun incendio forestal ocorrido en outubro.

O incendio afectou a 1,8 hectáreas de superficie. Tras meses de investigación, un dispositivo especial logrou esclarecer que se trata dunha persoa reincidente, detida polo mesmo motivo en períodos anteriores. O detido foi condenado a tres anos de prisión por un incendio e a catro meses por outro. As dilixencias xa foron remitidas ao Xulgado de Instrución número 2 de Lugo.

Pola súa banda, no que vai de verán xa foron investigadas 52 persoas pola Policía Autonómica como presuntas autoras de incendios forestais.

ÚLTIMAS

O Concello defende a seguridade das Festas do San Froilán pero anuncia cambios para futuras edicións

Membros da Corporación municipal, co alcalde á cabeza e acompañados polo deputado Efrén Castro,...

A CEG critica a ecoloxistas e partidos que “rexeitan sistemáticamente” novos proxectos como o de Grupo Lence en Lugo

A Confederación de Empresarios de Galicia (CEG) lamentou o "rexeitamento sistemático" promovido, ao seu xuízo,...

Cólleno nun control mentres transportaba medicamentos prohibidos de uso sexual

A Garda Civil investiga a un home, de 55 anos e nacionalidade colombiana, como suposto autor...

Extinguido o incendio forestal e de Pantón que calcinou 31 hectáreas

A Consellería do Medio Rural informou de que está estabilizado un incendio forestal rexistrado...