A nova residencia e centro de día do municipio de Pol (Lugo) abriu as súas portas este sábado co ingreso dos primeiros 13 maiores da provincia. Segundo informa a Deputación –xunto co Concello, institución promotora do proxecto–, son 13 seleccionados dunha media de 83 anos de idade que pagan 900 euros pola atención recibida. Do total, sete son veciños de Pol, mentres que outros estaban noutro tipo de vivendas e unha non tiña praza.
As dependencias gozan dunha “excelente situación”, tal e como asegura o ente provincial, posto que se atopa á beira do centro sociocultural do municipio e doutros establecementos.A residencia conta cunha superficie de 1.676 metros cadrados con 24 habitacións dobres que ofrecen un total de 50 prazas. Os usuarios dispoñen de dotacións como salas de estar, salas de lectura ou de televisión –todas de uso común–, ademais de lavandaría, cociña, enfermaría e primeiros auxilios.
