A cúpula do PSOE, co secretario xeral do PSdeG, Gonzalo Caballero, o secretario provincial, Álvaro Santos, e a vicesecretaria xeral do PSOE, Adriana Lastra, arrouparon no mitin central de Lugo a Lara Méndez.
Neste marco, Adriana Lastra lembrou que “cun voto, ponse ou se quitan bibliotecas e consultorios médicos” e instou á cidadanía a “rematar a xogada” do 28 de abril pondo “alcaldes socialistas en todos os concellos”.
Durante o mitin, Lastra criticou que a dereita, co PP á fronte, “diga agora que están centrados”, tras “corenta anos viaxando ao centro” e “a pesar da conivencia” con VOX. “Nós, coa ultradereita, nunca“, asegurou, que afirmou que estas orientacións son “o que están a pór en risco os dereitos de todos”.
Pola súa banda, Gonzalo Caballero dixo aos que “queren a Lugo” que “o voto para que avance desta cidade milenaria só ten unhas siglas e un nome?, as do PSOE e o de Lara Méndez. “Coa forza das nosas siglas e da mellor alcaldesa, se nos mobilizamos, o día 26 celebraremos un éxito municipal rotundo“, explicou.
