EFE.- A Garda Civil detivo un veciño de Muimenta (Cospeito) na capitalidade municipal como suposto autor dun delito de roubo con violencia e intimidación.
O individuo, de 48 anos, está relacionado cuns feitos ocorridos o 18 de decembro de 2018 a iso das 20.30 horas. Supostamente, unha ou varias persoas encapuchadas terían accedido ao interior dunha vivenda na que, ao atopar o habitante da mesma, decidiron tiralo ao chan e atalo. Acto seguido, subtraéronlle máis de 6.000 euros que o home tiña agochados no seu domicilio. A persoa detida xa foi posta a disposición xudicial.
FURTO NUN LOCAL SOCIAL DE GUNTÍN
Por outra banda, a Garda Civil imputou en calidade de investigados a dous mozos de Lugo (de 20 e 24 anos de idade) como supostos autores dun delito de furto no que terían subraído varias xanelas de aluminio dun local social en Guntín.
Os dous mozos foron detidos ás 10.00 horas deste martes na capitalidade lucense. Segundo informou a Benemérita, os feitos delituosos ocorreron o pasado 9 de agosto, cando os presuntos autores subtraeron “once follas de xanelas de aluminio de cor branca”, valoradas en 1.000 euros, e que pertencían ás instalacións dun local social situado no termo municipal de Guntín.
