Descubrindo o valor da fermosa paisaxe do Alto Miño dende a infancia

Os escolares de Begonte descobren, co proxecto de custodia do territorio, a importancia e peculiaridade dos bosques de ribeira, lagoas e turbeiras do Alto Miño

A Deputación facilita paneis para as clases guiadas sobre as Insuas do Miño e os Ollos de Begonte | Deputación de Lugo
A Deputación facilita paneis para as clases guiadas sobre as Insuas do Miño e os Ollos de Begonte | Deputación de Lugo

Escolares de entre 3 e 12 anos de Begonte descubrirán o valor do complexo húmido do Alto Miño a través do proxecto de custodia do territorio, auspiciado pola Deputación. Así, 54 escolares do CEIP Virxe do Corpiño contarán con paneis informativos cedidos polo ente provincial cos que aprender a importancia e a particularidade destes hábitats, fundamentais na identidade da Chaira.

Os cativos aproximaranse polo miúdo as Insuas do Miño e os Ollos de Begonte, lugares cun elevado grao de naturalidade, fogar da biodiversidade dos bosques de ribeira, lagoas e turbeiras. O deputado Medio Ambiente, Argelio Fernández Queipo, asegurou que a exposición sobre a conca do Miño “servirá para dar a coñecer o patrimonio natural lucense e mergullar aos escolares no respecto e a conservación da natureza”.

Durante estas clases guiadas que se celebrarán no centro de Begonte, os titores achegarán a beleza deste territorio, espallando a riqueza natural do interior de Lugo. O obxectivo último é acadar un compromiso por parte dos alumnos a prol do medio ambiente, facéndoos partícipes da xestión sustentable do territorio.

A Deputación asinou un acordo en 2014 para o estudo da xestión de 106 hectáreas de terreo na zona de confluencia dos concellos de Outeiro de Rei, Rábade e Begonte. A autoridade provincial procura contribuír á valorización do patrimonio natural e cultural na Terra Chá e a Montaña, áreas senlleiras con enormes posibilidades didácticas. 

O rol estratéxico dos humedais de Lugo contra o cambio climático

DEIXAR UN COMENTARIO

Please enter your comment!
Please enter your name here