Este martes houbo un sismo de 3.5 º na escala Richter sacudiu toda a provincia de Lugo. O seu epicentro estivo en Taboada –aínda que inicialmente pensouse que era en Monterroso–. O alcalde da localidade Ramiro Moure, restou importancia aos tremores e asegurou que na vila, os veciños xa están “afeitos” aos terremotos.

“Hai unha falla na parroquia de San Xulián de Insua, á beira do río Miño, e ao longo do ano xa houbo varios, a xente está afeita”, dixo en declaracións á Ser. El mesmo dixo que sentíu o tremor, sobre o tres menos dez da mañá e describe que escoitou “un ruído longo”, aínda que matizou que “os que máis o sentiron foron aqueles veciños que teñen animais en casa, sobre todo cans que empezaron sobre quince minutos antes a ladrar”.

A pesar do sismo, non houbo danos, nin incidencias. O alcalde aclarou que a brigada do Concello repasou a situación en diferentes puntos do municipio, sen que se se observara ningunha deterioración.