Unha festa xuntou 24 persoas nun local de Lugo malia que só podería haber nove como máximo

A Policía Local de Lugo denunciou o establecemento por non respectar as normas de ocupación.

Efectivos da Policía Local / CLM24

A Policía Local de Lugo denunciou un establecemento por ter 24 clientes no canto dos nove permitidos debido á limitación de aforamento pola crise sanitaria polo coronavirus COVID-19.

Nunha inspección realizada na pasada madrugada, comprobaron que un local situado na rúa Abad superaba a ocupación ao 75% establecida na normativa. No seu interior, 24 clientes celebraban unha “festa de aniversarios”, polo que pasaban por moito a cifra das nove persoas permitidas en dito local.

Ademais, inspeccionaron outro local na rúa Manuel María e levantaron unha acta de denuncia por exceder o límite horario establecido. Neste caso o establecemento debía de pechar ás 2:30 horas, pero os axentes atopárono aberto ás 3:20 horas. Había “xente no interior consumindo e os camareiros servían consumicións”, indicaron as mesmas fontes.