O Servizo Galego de Saúde (Sergas) informa dun total de 169 casos activos por coronavirus na área sanitaria de Lugo. É un máis ca na xornada anterior. Ao tempo, nestas últimas 24 horas confirmáronse 10 novos positivos a través de PCR, unha cifra que se enmarca dentro dos niveis dos días previos.

O dato máis favorable vén da man dos hospitais, que este martes 31 de marzo presentan unha rebaixa no número de ingresos. Hai 12 persoas hospitalizadas con Covid-19: 2 na Uci do Hula e as outras 10 atendidas en planta. O Hospital da Mariña volveu quedar libre de pacientes de coronavirus.

Dende o inicio da pandemia, faleceron 211 persoas na provincia de Lugo, curáronse 11.661 e realizáronse 205.997 probas PCR.

GALICIA

No conxunto galego prodúcese unha repunta de casos activos (2.354; isto é, +47) e contaxios (168) nas vésperas dos festivos de Semana Santa. Asemade, os pacientes en Uci aumentaron a 30 e os que permanecen noutras unidades descenderon a 167. Podes ler a información completa no Galicia Confidencial.