O brote da Mariña dispárase: doce positivos máis

O Sergas documenta 64 casos activos en Lugo, dos cales 47 están relacionados cos focos do norte da provincia.

Test da COVID-19 dende o coche / © Miguel Núñez

O número de casos activos detectados de coronavirus no brote de Covid-19 na Mariña Lucense segue en aumento e ao longo das últimas horas experimentou un crecemento significativo: documentáronse un total de doce máis, para un total de 47, segundo confirma oServizo Galego de Saúde (Sergas). A nivel provincial, o número de casos aumenta a 64.

Dos 47 positivos do brote, a maioría son asintomáticos ou presentan síntomas de carácter leve. Todos eles teñen a obriga de gardar corentena durante 14 días. Polo de agora, o número de ingresados por Covid-19 no Hospital Público da Mariña mantense. As dúas persoas hospitalizadas relacionadas co brote fican en planta e con evolución “favorable“, segundo a Consellería de Sanidade.

Xunta de Galicia non aclara se detrás deste aumento dos casos hai algún foco máis, ademais dos tres comunicados.

Ademais das dúas persoas ingresadas en Burela, hai outra persoa hospitalizada no HULA con coronavirus. Podes ler a información completa no Xornal da Mariña.

DEIXAR UN COMENTARIO

Please enter your comment!
Please enter your name here