Manifestación en Lugo contra o peche do Ceip de Baamonde: “É un capricho do alcalde”

Un cento de nais e pais concentráronse ante a Xunta con pancartas e caretas do conselleiro de Educación.

Protesta de pais en Lugo contra o peche do colexio de Baamonde | EP

Preto dun centenar de pais protestaron este martes ante o edificio administrativo da Xunta en Lugo polo peche do colexio de Baamonde, en Begonte.

Tras unha convocatoria dsa ANPA de Galicia e Lugo, celebrouse esta numerosa mobilización con varias pancartas e caretas coa imaxe do conselleiro de Educación, Ramón Rodríguez. Entre outros políticos, acudiron o presidente do PSOE provincial, José Tomé, e o responsable de Deportes da Deputación, Efrén Castro (BNG).

“Non ao peche do colexio de Baamonde”. Esa foi a consigna máis coreada, e tamén era a frase que abría as pancartas que se exhibiron durante a manifestación.

A presidenta da ANPA de Lugo (Fapacel), Isabel Calvete, destacou que “non só é defender o colexio de Baamonde” e “denunciar esta barbaridade que é o peche con 30 nenos”, “senón tamén que o motivo é gritar polo futuro do rural”. “Como non cambiemos a política en defensa do rural estamos perdidos”, alertou.

Calvete censurou que este peche se debe a un “capricho” do alcalde de Begonte, José Ulla (PP), que propón que ese centro de Baamonde sexa a localización dun conservatorio de música.

“Agora o que toca é defender o rural, defender a educación e defender os nenos e procurar o seu benestar, ademais de reclamar a calidade do ensino á que teñen dereito”, reivindicou Calvete.

APOIO DA DEPUTACIÓN

Pola súa banda, o presidente da Deputación de Lugo, José Tomé, subliñou que acudiu a esta convocatoria para “apoiar a uns pais aos que os asiste toda a razón”.

“Desde a Deputación xa levamos algunhas iniciativas neste sentido, recollendo a inquietude dos pais, porque axudar o rural non é precisamente quitarlles servizos, e neste caso sería mantelos e non incrementalos. Así non se mantén o rural vivo”, protestou o presidente provincial de Lugo.