A Xunta retira a prohibición de plantar patacas en Abadín

O DOG publica unha resolución pola cal permite o cultivo de pataca en nove concellos afectados pola couza guatemalteca, aínda que seguirán baixo control. Vilalba e Xermade adquiren o status de zonas libres de couza.

As larvas da couza guatemalteca escarvan profundas galerías nas patacas favorecendo que podrezan | Fonte: lapatata.es

O Diario Oficial de Galicia (DOG) publica este venres a resolución que levanta a prohibición de plantar pataca en nove concellos das provincias de Lugo e da Coruña afectados pola couza guatemalteca. Na nosa provincia, esta medida inclúe os municipios de Abadín e Ourol.

A resolución deixa de considerar nove localidades como zonas infectadas pola couza, ao non rexistrar ningunha captura nos dous últimos anos. Agora pasan a ser zonas tampón, de maneira que se lles permitirá plantar pataca mentres se realiza un seguimento exhaustivo por parte da Consellería, que manterá as demais medidas de control e vixilancia previstas na lexislación.

Ademais, a resolución do DOG exclúe varios concellos da denominada zona tampón. Así, na provincia de Lugo, Xermade e Vilalba adquiren o status de zona libre de couza e deixan de estar sometidos a control por parte da Consellería.

Podes ler a información completa no Galicia Confidencial.

 

 

DEIXAR UN COMENTARIO

Please enter your comment!
Please enter your name here