EFE.- A Dirección Xeral de Tráfico (DXT) mantén cortado un carril de acceso á A-6 á altura do municipio lucense de Rábade dende primeira hora desta mañá. O motivo foi a avaría mecánica dun camión.

Segundo confirmaron desde o subsector de Tráfico da Garda Civil de Lugo, trátase en concreto do carril de aceleración sentido Madrid, ao que se accede desde a rotonda coñecida como O Empalme. En dita intersección conflúen, ademais da autovía, as estradas LU-107, LU-111 e LU-541.

O punto quilométrico exacto da A-6 no que se rexistrou a avaría é o 510, en sentido decrecente. Desde Tráfico sinalaron que se tivo coñecemento do suceso ás 08.50 horas e, hora e media despois, xa se procedeu a decretar o “obstáculo fixo por avaría mecánica con circulación difícil”. EFE