O comité do complexo industrial de Alcoa en San Cibrao convocou unha nova manifestación en Lugo para o vindeiro mércores, 26 de febreiro. Reclamarán un abaratamento da luz que favoreza a continuidade da planta de aluminio, actualmente posta en cuestión por parte da multinacional debido ao prezo da electricidade.
A protesta dos traballadores partirá da estación de autobuses de Lugo ás 10.00 horas, para posteriormente finalizar diante da Deputación. O comité de empresa fletará autobuses para acudir ao acto reivindicativo dende a Mariña. Podes ler a información completa no Xornal da Mariña.
