O Concello de Lugo presentou este luns dúas novas iniciativas para fomentar o comercio lucense e para sacar as tendas ás rúas da capital. Así, co Mercado de San Pedrín, todos os mércores do verán, e o Mercado dá Milagrosiña, todos os venres, pretenden dinamizar a economía local.

Estas dúas novas iniciativas presentounas a alcaldesa de Lugo, Lara Méndez, xunto ao presidente da Federación de Comercio de Galicia, José María Seijas, e o concelleiro de Desenvolvemento Local e Emprego, Mauricio Repetto.

A rexedora lucense destacou que “Lugo é capital” e tamén o é “o sector do comercio”, que é principal e “primordial” para xerar “riqueza” e “dinamizar o emprego e a economía local”. Esta iniciativa supón para a alcaldesa de Lugo “un paso adiante” sobre todo por parte dos comerciantes para incrementar as vendas nos seus comercios.

Todos os mércores a partir do día 15, e todos os venres a partir do día 17 deste mes de xuño, e durante todo o verán, as rúas de San Pedro, Campo Castelo e do barrio da Milagrosa encheranse de actividades e de tendas na rúa. Lara Méndez apuntou que na iniciativa participan “máis de 170 locais” que busca as “sinerxías público privadas”.

Por parte da Federación de Comercio, o seu presidente, José María Seijas, animou aos comerciantes “a que se somen a estas iniciativas” porque “os clientes aínda non están confiados á hora de entrar nos comercios”, por iso “sacar o comercio á rúa dará confianza á xente”, comentou comentou.

Mentres, Mauricio Repetto, propulsor da iniciativa, dixo que o que pretenden é “dinamizar e apoiar ao pequeno comercio” e que as xornadas estarán marcadas “por un ambiente festivo” cheo de “actividades, música e festivadad”, concluíu.