Os dous homes que este martes ían sentar no banco dos acusados da Audiencia Provincial de Lugo para responder por un suposto delito de tráfico de drogas, dado que foron interceptados pola Garda Civil cando transportaban un cuarto de quilo de cocaína no seu coche, aceptaron penas de tres e dous anos de cárcere, respectivamente, grazas ao acordo do seu defensa co ministerio fiscal.
Ambos foron interceptados pola Garda Civil no ano 2016 cando transportaban cocaína por un valor de 24.396 euros nun coche -BMW- que circulaba pola estrada Nacional 120, no termo municipal de Quiroga, e o ministerio fiscal pedía inicialmente para cada un dos acusados catro anos de prisión e unha multa de 73.188 euros.
Segundo o escrito de acusación, ambos os procesados, de nacionalidade española, foron interceptados pola Garda Civil en marzo de 2016 á altura do quilómetro 498 da estrada Nacional 120, en Quiroga, cando transportaban un cuarto de quilo de cocaína que, supostamente, pretendían destinar “ao tráfico ilegal de drogas”.
O valor da droga intervida pola Garda Civil roldaba os 24.396 euros no mercado ilícito.
