O Club Baloncesto Breogán é oficialmente equipo ACB

Ricardo Úriz e a afección, durante a Copa Princesa 2018. Foto de cbbreogan.com

O Club Baloncesto Breogán S.A.D. é oficialmente club ACB e competirá na Liga Endesa 2018-2019, segundo confirmou a asemblea xeral da ACB (Asociación de Clubes de Baloncesto) este mediodía. O Breogán acadou o ascenso deportivo o pasado 13 de abril despois de ser campión da liga regular da LEB Ouro.

O club lucense é o duodécimo con máis partidos na máxima categoría con 604 encontros en ACB e 156 en Liga Nacional.

O Breogán volve á ACB doce anos despois tralo descenso en 2006.

A ACB tamén confirmou a Bàsquet Manresa como club de Liga Endesa.

Natxo Lezkano continúa como primeiro adestrador. Entre os xogadores, teñen contrato os bases Christian Díaz e Ricardo Úriz, que renovou o pasado 6 de xullo; os escoltas Sergi Quintela e Salva Arco; así como os pívots Matt Stainbrook e Herve Kabasele.

5 COMENTARIOS

DEIXAR UN COMENTARIO

Please enter your comment!
Please enter your name here