InicioMovementos sociaisConvocan en Lugo unha concentración pola anulación da ordenanza do galego

Convocan en Lugo unha concentración pola anulación da ordenanza do galego

Queremos Galego organiza a protesta contra un fallo "ideolóxico" do Tribunal Supremo que "impide a igualdade" do galego con respecto ao castelán

PUBLICADA O

- Advertisement -

Queremos Galego chama a concentrarse en Lugo contra a decisión do Tribunal Supremo de ratificar a anulación da ordenanza do uso do galego. A norma, aprobada en 2012 por unanimidade dos grupos políticos na corporación local, foi invalidada parcialmente pola xustiza galega, decisión logo ratificada polo alto tribunal. A plataforma cívica convoca a protesta o mércores 6 de marzo ás 12.00 horas na Praza Maior, a carón do Concello.

O voceiro de Queremos Galego, Marcos Maceira, denuncia que o fallo do Supremo “ataca elementos da política de normalización lingüística”, baseándose en “prexuízos ideolóxicos” que identifica coa presión exercida pola extrema dereita. Así, o tribunal estaría a pór “límites á oficialidade da lingua galega”, impedindo un estatus de igualdade con respecto ao castelán. “Ilegaliza a posición social maioritaria, a de que a lingua propia de Galicia é o galego”.

Maceira considera que o ditame é contrario á Carta Europea das Linguas Rexionais e Minorizadas, asinada por España, e que sinala o compromiso por garantir que estas linguas sexan empregadas na prestanción dos servizos nas administracións e polas autoridades. No canto de promover e normalizar o uso da lingua marxinada, sinalan en Queremos Galego, o fallo do Supremo “pretende manter a exclusión histórica” e a “invisibilización” do idioma.

O Concello estuda pedir amparo no Constitucional pola ordenanza do galego

 

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...