InicioSociedadeO Concello estuda pedir amparo no Constitucional pola ordenanza do galego

O Concello estuda pedir amparo no Constitucional pola ordenanza do galego

O Concello de Lugo podería solicitar amparo perante o Constitucional logo de que o Supremo ratificara a anulación parcial da ordenanza do uso do galego

PUBLICADA O

- Advertisement -

A alcaldesa de Lugo, Lara Méndez, comunicou aos voceiros da corporación municipal que os servizos xurídicos do Concello estudan presentar un recurso de amparo perante o Tribunal Constitucional para tentar salvar a ordenanza de uso do galego. O Tribunal Superior de Xustiza de Galicia (TSXG) admitiu parcialmente a demanda de Galicia Bilingüe, sentenza despois ratificada polo Tribunal Supremo.

Méndez transmitiu que “non estan de acordo” coa resolución do alto tribunal, esgrimindo que a ordenanza foi aprobada por unanimidade no pleno en 2012, procurando situar en igualdade galego e castelán. “Igualdade na que non están, incluso prodúcese un retroceso, como reflicten os datos”, lamentou a rexedora. En defensa da ordenanza, estase a avaliar a posibilidade de acudir ao Constitucional.

Segundo datos do Instituto Galego de Estatística (IGE) recollidos pola alcaldía, o número de falantes habituais de galego menores de 30 anos caeu nun 44 por cento en 10 anos, e só un 13 por cento dos rapaces e rapazas de entre 5 e 14 anos falan sempre galego, “o que reflicte a perda da transmisión interxeracional”. A principios da década dos noventa, este idioma era a lingua inicial para o 62 por cento das persoas maiores de 15 anos; un cuarto de século despois, a porcentaxe baixou ao 43 por cento. 

Os puntos anulados pola xustiza

A sentenza do TSXG deixou sen efecto os artigos 7, 10 e 15, obrigando a suprimir certos parágrafos e termos dos artigos 1, 3, 4, 5, 8, 9, 12, 18, 24 e 26. O Supremo considerou que o recurso presentado polo Concello contra esta resolución carece de rigor e fundamentación cando remite á falta de claridade da sentenza, observando que o fallo da xustiza galega está en todo momento motivado.

Sobre os artigos obxecto da desputa legal, o Supremo indica que a administración local adolece de definición e “crea un estado de inseguridade” sobre a posibilidade de empregar o castelán para dirixirse ao consistorio; que a ordenanza “non é proporcional nin razoable”, que “colisiona co dereito a empregar o castelán”, e que “en modo algún se xustifica polo fomento do galego”.

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...