Volve outra tradición do casco histórico de Lugo, a dos cantos de taberna

Os locais da rúa da Cruz unen esforzos a prol desta costume nacido a mediados do século pasado e que forma parte do patrimonio inmaterial galego

A alcaldesa de Lugo, Lara Méndez e o presidente de Lugo Monumental, Luis Latorre, cos organizadores dos cantos de taberna | Lugo Monumental
A alcaldesa de Lugo, Lara Méndez e o presidente de Lugo Monumental, Luis Latorre, cos organizadores dos cantos de taberna | Lugo Monumental

Os establecementos da rúa da Cruz apadriñan a recuperación doutra fermosa tradición propia do casco histórico de Lugo, a dos cantos de taberna. A primeira ocasión será o vindeiro sábado 9 de febreiro, a raíz da reunión de catro agrupacións a partir das 20.00 horas, animando este popular treito con música e canto, continuando mentres o ambiente así o mereza.

O costume dos cantos de taberna naceu espontaneamente a mediados do século pasado, cando os grupos de amigos se xuntaban para tomar as cuncas de viño nos locais da zona vella. Alí trasladaban a pasión pola música, e en especial polo canto, cunha actividade que tivo continuidade ata finais dos setenta, cando comezaron a esparexerse os carteis co rótulo “prohibido cantar”.

A iniciativa, que parte dos locais da rúa da Cruz, ten a inspiración do éxito dos certames desta tónica que se celebran en vilas e cidades de toda Galicia, con particular pegada no sur da provincia de Lugo. Os cantos de taberna, explican os organizadores, forman parte da cultura inmaterial da terra e o costume segue moi estendido.

Da primeira vez participarán Searas, Amigos do Caldeiro, Os corenta e Chinco, e Os do 13. Co soporte da asociación empresarial Lugo Monumental e o Concello de Lugo, sete locais acollerán os cantos de taberna: Bulló, Millenium, Karrusel, Las Cinco Vigas, O Castor, People e A Tasca.

DEIXAR UN COMENTARIO

Please enter your comment!
Please enter your name here