InicioCulturaO Campus Terra consegue unha das catro novas agrupacións de I+D de...

O Campus Terra consegue unha das catro novas agrupacións de I+D de Galicia

Os 16 grupos de Enxeñaría e Veterinaria especializados en Biorrecursos medran en escala con 405.000 euros adicionais en investimento da Xunta de Galicia

PUBLICADA O

- Advertisement -

Ao abeiro da última convocatoria da Consellería de Educación, a Xunta de Galicia tenta dotar ao sistema universitario de capacidade de liderado, estabilidade e dimensión necesarios en eidos de investigación considerados prioritarios. Con tal fin, crearanse catro novas agrupacións estratéxicas de I+D+i, das cales unha será a de Biorrecursos no Campus Terra de Lugo. 

Dezaséis equipos compoñen a agrupación de Xestión e Produción Sostible de Biorrecursos (BioReDes), que percibirá 405.000 euros para abordar os retos vencellados á produción e xestión dos biorrecursos na particular contorna de Galicia. O investimento permitirá a coordinación e crecimento de grupos de referencia do Campus Terra relacionados coa produción animal, vexetal e de seguridade alimentaria. 

A agrupación estratéxica, en datos

Trátase dun proxecto a longo prazo, que pasa pola integración e as sinerxias dos proxectos científicos da Escola Politécnica Superior de Enxeñaría (EPSE) e á Facultade de Veterinaria. Canda o Instituto de Acuicultura, son en total máis dun cento de investigadores estables, corenta e dous en etapa de formación, e outras corenta e tres persoas de apoio técnico.

BioReDes é a máis recente aposta do Campus Terra por liderar o coñecemento do sector primario. Paulino Martínez, catedrático en Xenética, liderará a agrupación estratéxica  responsable de máis de medio milleiro de artigos en revistas do primeiro cuartil entre 2010 e 2015, e que captou 11,6 millóns de euros de financiamento para I+D+i no trienio 2014-2016, un terzo do total procedente da empresa privada, e a décima parte de proxectos internacionais.

A resolución publicada no Diario Oficial de Galicia comprende un orzamento global de 3.275.000 euros para a creación das catro novas agrupacións estratéxicas do sistema universitario galego, amén da revalidación dos compromisos coas tres xa existentes dende 2015. 

A nova Vicerreitora analiza o futuro do Campus Terra

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...