O Festival Independente de Vilalba (FIV) arrinca este venres a súa décimo quinta edición no municipio lucense, que albergará a 5.000 persoas, con grupos como Sen Senra, Viva Suecia, Baiuca ou Natalia Lacunza.

A organización do FIV define esta edición como unha “volta á súa orixe” tras a pandemia que non permitiu celebrar ao grande o evento os dous últimos anos. Os concertos en Vilalba iniciaranse desde primeira hora da tarde do venres coa actuación do DJ Isaac Peces. Posteriormente, chegarán algúns dos pratos fortes do festival como Sen Senra, Natalia Lacunza, Carlos Sadness, A A Love You, Forget a france, Idoipe, The Zephyr Bones, Juárez, e Chica DJ.

O sábado, a actividade comezará a media mañá coa Banda de Música de Vilalba. Durante a xornada, os asistentes poderán gozar de Viva Suecia, Rufus T. Firefly, Cupido, Baiuca, Delafé, Dj Set, Kokoshca, Fábrica de Espellos, Saya, Russ e Chica Dj.

Para finalizar co FIV, os asistentes gozarán o domingo do Play-Doc, o Festival Internacional de Cinema de Tui. Trátase dun referente no panorama dos eventos cinematográficos que proxectará o documental ‘A Poem Is a Naked Person’, dirixido por Lles Blank.