InicioMedioambiente e PatrimonioOs escapes da cementeira Cosmos chegan á Fiscalía de Medio Ambiente

Os escapes da cementeira Cosmos chegan á Fiscalía de Medio Ambiente

Os ecoloxistas denuncian aos responsables de medio ambiente de Castela e León polo seu silencio sobre as fugas de Cosmos, "salvoconduto para a impunidade"

PUBLICADA O

- Advertisement -

A corporación brasileira Votorantim Cimentos ten xa tres frontes abertas no Bierzo pola xestión da cementeira Cosmos. Dúas están vencelladas á obtención do permiso para empregar pneumáticos como combustible, intención que desatou unha guerra de informes e que podería desembocar nun conflito de intereses na Universidad de León.

A terceira deriva do propio funcionamento da fábrica: despois de que os veciños alertaran de escapes incontrolados a comezos de agosto, e de que a propia empresa admitira as fugas, a administración competente deixou sen esclarecer o alcance destes episodios. Por mor do silencio oficial, habitual na campaña da Junta de Castilla y León a prol de Cosmos, Bierzo Aire Limpio decidiu emprender accións legais contra os responsables autonómicos de medio ambiente por omisión do deber e prevaricación.

Os feitos foron postos a disposición da Fiscalía Xeral do Estado. Dende o colectivo ambientalista solicitan ao Ministerio Público que requira as medicións das estacións de control, ademais da petición de causa contra o Consejero de Fomento y Medio Ambiente, Juan Carlos Suárez-Quiñones, e o Director General de Sostenibilidad y Calidad Ambiental de Castilla y León, José Manuel Jiménez.

Toural dos Vaos, no centro da comarca do Bierzo, está rodeado de cultivos cruciais para a economía local | Bierzo Aire Limpio
Toural dos Vaos, no centro da comarca do Bierzo, está rodeado de cultivos cruciais para a economía local | Bierzo Aire Limpio

No escrito remitido por Bierzo Aire Limpio, sublíñase que as emisións incontroladas son tóxicas e perigosas tanto para a saúde dos bercianos como para o rendimento económico da comarca, posto que Cosmos está emprazada nunha zona fértil, chea de cultivos típicos do Bierzo e outros recursos forestais e gandeiros.

Nel alértase tamén de que as fugas non representan feitos illados: as testemuñas apuntan a que é unha práctica case diaria que orixina na atmosfera unha acumulación de emisións difíciles de disipar pola especial orografía da rexión.

Amais da asociación denunciante, o organismo responsable da Denominación de Vinos de Origen Bierzo tamén expresou a súa inquedanza.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...