InicioLugo e contornaUn acusado en Lugo de pederastia acepta 8 anos e medio de...

Un acusado en Lugo de pederastia acepta 8 anos e medio de cárcere e renuncia a acceder a redes sociais durante 10 anos

Trátase "dunha rebaixa considerable" porque a Fiscalía pedía 23 anos e medio de prisión nas súas conclusións previas.

PUBLICADA O

- Advertisement -

Un veciño da cidade de Lugo aceptou oito anos e medio de prisión por pederastia, por abusos sexuais a un menor, e, ademais, renuncia a acceder a redes sociais, whatsapps ou chats informáticos durante dez anos unha vez cumprida a condena.

Así, houbo conformidade no xuízo sinalado este xoves na Sección Segunda da Audiencia Provincial de Lugo, cunha considerable rebaixa sobre a petición inicial da Fiscalía de 23 anos e medio de prisión. Segundo o relato da acusación pública, a principios de 2020 o acusado contactou cun menor, que naquel momento contaba con 13 anos de idade, a través dunha rede social de contactos e ambos intercambiáronse fotografías. Tras manter varias conversacións polo chat, o procesado propúxolle que se coñecesen en persoa e o neno aceptou, polo que o recolleu no seu coche e levouno ata o seu domicilio na cidade.

Unha vez na vivenda, o home realizou varias prácticas sexuais co menor, unha conduta que se repetiu en dúas ocasións máis, tamén a principios de 2020, segundo o escrito da Fiscalía.

Nos encontros o acusado ofrecera diñeiro “a cambio da conduta sexual”, pero non llos entregou no primeiro encontro. Nos outros dous, o home deulle 20 e 10 euros respectivamente. Ademais nas citas o acusado obtivo fotografías, “guiado polo propósito de satisfacer os seus desexos sexuais”, sinala a Fiscalía.

O avogado da defensa, Juan Carlos López, corroborou a “conformidade”, que supón “cinco anos, máis un e dous e medio máis (polos distintos delitos), o que fai que sexan en total oito anos e medio” de cárcere. Admitiu que se trata “dunha rebaixa considerable” porque a Fiscalía pedía 23 anos e medio de prisión nas súas conclusións previas.

Seguidamente constatou que o seu cliente “acepta os feitos, porque nunha conformidade tes que aceptar os feitos, pero os feitos depende de como se describan e como se fagan teñen unha consideración ou teñen outra”. “Esa é a razón pola que a Fiscalía rebaixou a petición inicial”, puntualizou.

REDES SOCIAIS

Ademais, o home aceptou renunciar durante dez anos a facer uso de redes sociais ou whatsapp, sobre o que o avogado da defensa matizou que “iso é un mal menor”. “É unha cousa curiosa, porque non é habitual ver unha cousa así”, comentou o letrado, que vincula esta renuncia polo contacto que se produciu “a través de redes sociais” e quérese ” cortar esa vía, porque é algo previsto na lei e solicítase e punto”, concluíu Juan Carlos López.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...