InicioLugo e contornaA muller que sufriu un asalto na súa casa en Xermade evoluciona...

A muller que sufriu un asalto na súa casa en Xermade evoluciona favorablemente no HULA

A Garda Civil mantén abertas "todas as liñas de investigación" e o caso atópase "baixo segredo" dun xulgado de Vilalba.

PUBLICADA O

- Advertisement -

A muller que sufriu un asalto na súa casa na parroquia de Candamil no municipio de Xermade, e que permanece na UCI do Hospital Universitario Lucus Augusti (HULA), “evoluciona favorablemente”, segundo destacou o alcalde deste municipio, Roberto García.

Hai uns 15 días un home entrou nesa casa unifamiliar situada aos pés da estrada LU-861, da que supostamente se levou o teléfono móbil da vítima. Ese mesmo día foi ingresada a muller na UCI con “un traumatismo na cabeza”. A Garda Civil mantén abertas “todas as liñas de investigación”, que se atopa “baixo segredo” dun xulgado de Vilalba, sinalou. O alcalde de Xermade puntualizou que a vítima “tiña un traumatismo na cabeza, e agora evoluciona favorablemente pero estivo grave”. “Estivo sedada”, abundou.

Ademais, o rexedor sinalou que este asalto “claro” que lle preocupa, para advertir seguidamente que “Xermade é unha zona rural, coa poboación dispersa e bastante xente maior”. “Esperemos que se esclareza rápido quen foi o autor ou autores”, desexou.

García expuxo que polo que lle dixo a familia, “houbo unha persoa merodeando por aí e despois aconteceu o asalto”. “O autor levou o móbil e posteriormente houbo movementos bancarios e a autoría vai enfocada polo tema económico”, relatou. Por parte do Concello apélase á “tranquilidade” e anúnciase que se vai a “intensificar” a vixilancia, sobre todo, nos núcleos rurais do municipio para evitar este tipo de accións violentas.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

Non sae adiante a iniciativa parlamentaria do BNG para frear a instalación de Altri en Palas

A comisión 8ª de Pesca e Marisqueo do Parlamento de Galicia rexeitou este martes unha proposición...

Un veciño de Melide sería o autor de varios incendios nunha mesma zona da Serra do Careón

A Garda Civil investiga a un veciño de Melide, de 33 anos de idade, como suposto...