InicioLugo e contornaLugoCritican o modelo dual da Deputación para a recollida de animais

Critican o modelo dual da Deputación para a recollida de animais

A institución provincial destina o 30 por cento do orzamento para coidado de animais abandonados á nova canceira de Monforte

PUBLICADA O

- Advertisement -

Durante os últimos anos, a Deputación que preside Darío Campos adicou 470.000 euros á colaboración coa Sociedade Protectora de Animais e Plantas de Lugo. A entidade provincial é o principal sostén deste centro, ao que tamén achega fondos o Concello da capital. A Protectora de Xermade contará este ano con 40.000 euros, e a de Valdouro-Alfoz con outros 85.000. Estes investimentos contrastan coa nova aposta pola nova canceira da zona sur, a erixir con 200.000 euros en Monforte de Lemos.

Esta dualidade foi criticada pola Asociación Animalista Libera e a Fundación Franz Weber, que sinalan este sistema de almacenamento de cans e gatos como pouco axeitado. Os animalistas propoñen a reestruturación dos fondos para financiar centros máis pequenos, mancomunados e conveniados coas organizacións non gubernamentais. Segundo anunciou a Deputación, a canceira de Monforte terá espazo para 150 exemplares e prestará servizo a 21 municipios do sur de Lugo.

Libera e a FFW subliñan que este modelo é máis propio para o almacenamento que para un centro de acollida de animais abandonados. Estas asociacións sinalan os problemas existentes no centro homólogo de Ourense, tamén financiado pola administración provincial. No canto dunha gran canceira pública, abogan por imitar as políticas das deputacións da Coruña e de Pontevedra, con liñas de subvencións para que as protectoras locais poidan asumir esta xestión coa mellora das instalacións propias.

Ao tempo que a Deputación traballa na construcción da canceira de Monforte, a Protectora de Lugo beneficiouse de 345.000 euros para a ampliación das instalacións, 103.000 euros para engadir 4 hectáreas de terreos –o que multiplicou a superficie dispoñible por 13–, tamén para a dotación dunha depuradora, unha zona de administración e unha clínica veterinaria, amais da compra de alimento e tarefas de roza e desbroce.

Neste centro hai uns 400 animais en acollida, unha cantidade de lonxe maior á das novas instalacións para a zona sur. Durante o 2017 rescataron 1.200 animais de compañía e entregaron en adopción medio milleiro deles.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...