InicioSucesosDetidos en Vilalba tres individuos con material roubado en Outeiro e Lugo

Detidos en Vilalba tres individuos con material roubado en Outeiro e Lugo

Os tres asaltantes dunha empresa forestal de Lugo foron interceptados en Vilalba cos efectos subtraídos do campo de fútbol de Outeiro

PUBLICADA O

- Advertisement -

A Garda Civil detivo a tres individuos na cabeceira da Terra Chá catro horas despois de roubar nunha empresa do ámbito forestal. Segundo o relato do Instituto Armado, contra as 6.30 horas deste martes foron interceptados en Vilalba os presuntos autores dun delito de roubo perpetrado en Lugo ás 2.30 horas, consistente no asalto a unha empresa do eido forestal.

Os detidos accederan á nave industrial forzando o bombín da porta. Eran os mesmos que roubaran na madrugada do día 15 no campo de fútbol de Outeiro de Rei, onde saquearan a cafetería e as oficinas do club. Os axentes encargados da investigación identificaron a estas tres persoas circulando pola capital chairega, a bordo dun turismo no que localizaron diversas ferramentas empregadas habitualmente por delincuentes na comisión de roubos con forza.

Pés de cabra, cisallas e pasamontañas

Así, entre o material intervido constan dous pés de cabra, martelos, cisallas e lanternas. Tamén portaban luvas e pasamontañas, “coa suposta finalidade de evitar ser recoñecidos por testemuñas ou cámaras de seguridade”, abundaron fontes da Garda Civil.

Oculto no maleteiro do vehículo atoparon un ordenador portátil e a caixa de caudais que faltaba no campo de Outeiro, con máis de trescentos euros en efectivo. Esta contía representa a totalidade do roubado e foi devolto aos propietarios polas forzas da orde.

En relación con estes feitos, os tres detidos pasaron a disposición do Xulgado de Instrución número 2 de Vilalba.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...