InicioTerra CháGuitiriz'Crowdfunding' para exhumar fosas comúns en Guitiriz e A Coruña

‘Crowdfunding’ para exhumar fosas comúns en Guitiriz e A Coruña

A Asociación pola Recuperación dos Desaparecidos no Franquismo (ARDF) puxo en marcha esta campaña a través da Fundación Goteo, para recadar fondos que permitan realizar os traballo de exhumación o 2 de xullo

PUBLICADA O

- Advertisement -

A Asociación indica que, entre as vítimas que se poderían atopar nas fosas comúns situadas na Coruña e Guitiriz, figuran “tres maquis moi coñecidos en Fervenzas pola súa resistencia e valentía, un alcalde socialista ou unha mestra republicana, e así até chegar a 65“.

A Fundación a través da que se puxo en marcha a campaña traballa cun primeiro obxectivo, o mínimo, situado nos 7.665 euros que, de non alcanzarse, suporía a cancelación do proxecto e a devolución do diñeiro aos doantes. Na actualidade, lograron sumar 140 euros.

“É por iso que necesitamos achegas económicas ao proxecto, sobre todo até alcanzar o mínimo”, maniféstase desde a Asociación, que non só solicita axuda económica senón tamén colaboración na difusión do proxecto. “É un acto de xustiza devolver a identidade a estas persoas e poder reunilos cos seus familiares, algúns moi maiores”, engade a entidade.

O proxecto de exhumación do catro fosas comúns xorde no ano 2011, cando a Asociación inicia distintas investigacións documentais por diferentes puntos da xeografía galega, como Lugo, A Coruña ou Tui, seguindo distintas peticións cidadás. Como resultado destas investigacións, chégase ao “atrio do cemiterio de San Vicente de Fervenzas, onde o Rexistro civil de Aranga,Provincial e outros” recollen, segundo a Asociación, a existencia de polo menos 8 restos mortais soterrados no adro do cemiterio da devandita localidade pertencente A Coruña, así como a Vilarraso e á localidade de Guitiriz, sumando en total 65 vítimas.

Destas fosas comúns, a ARDF localizou familiares con residencia en Arxentina e Canarias, pero tamén outros que residen en zonas próximas. As fosas comúns foron preparadas para a súa exhumación no ano 2011 por parte da Asociación. Pero os permisos foron concedidos recentemente, explica a entidade. Por esta razón remárcase que “urxe levar a cabo os traballos, devolver a identidade roubada ás vítimas e poder entregar os seus restos mortais aos familiares”.

ÚLTIMAS

Ulloa Viva anima á cidadanía a presentar alegacións contra o proxecto de Altri e pide á Xunta ampliar o prazo

A Plataforma Ulloa Viva anima á cidadanía a presentar alegacións contra o proxecto de...

Piden 15 anos por maltratar e agredir sexualmente de forma continuada á súa parella diante do seu fillo menor en Lugo

A Audiencia Provincial de Lugo xulga este xoves, 18 de abril, a un home para o que...

O Concello de Lugo recibe a insignia de honra da Confraría do Bo Xesús no seu 75 aniversario

O edil de Dinamización Económica, Mauricio Repetto, recibiu este sábado en nome do Concello de...

A planta que Altri proxecta en Palas de Rei será a primeira que integre os 2 procesos necesarios para producir Lyocell

A planta que Greenfiber, formada pola enerxética Greenalia e a multinacional lusa Altri, proxecta en Palas de Rei,...