InicioSucesosFeridos dous condutores de camión tras saír da estrada en Cospeito

Feridos dous condutores de camión tras saír da estrada en Cospeito

PUBLICADA O

- Advertisement -

Dous condutores resultaron feridos nun sinistro viario rexistrado este luns en Cospeito, onde un camión acabou envorcado e, máis tarde, recibiu o impacto dun turismo.

Segundo informaron Garda Civil e o CIAE 112 Galicia, o sinistro produciuse ás 13,55 horas no quilómetro 10 da estrada LU-113 a altura da parroquia de Xustás.

Tras recibir a alerta dun particular, a central de emerxencias mobilizou aos bombeiros de Vilalba e a Urxencias Sanitarias 061, que se desprazaron á zona.

Os bombeiros tiveron que empregar material de excarceración para liberar ao condutor do camión, que foi atendido máis tarde polos profesionais sanitarios. No sinistro tamén resultou ferido o condutor dun turismo que impactou contra o camión envorcado sobre a vía.

O tráfico viuse afectado o lugar do sinistro debido a que o camión, que transportaba lodos, quedou atravesado na estrada e perdeu parte da súa carga.

ÚLTIMAS

A alcaldesa de Lugo avoga por que a esquerda “axunte esforzos” na súa provincia para evitar “voto inútil”

A alcaldesa de Lugo, Lara Méndez, considera que a esquerda "debe axuntar esforzos", tamén na...

A provincia de Lugo desprega 112 operarios e 64 máquinas para garantir a seguridade viaria este inverno

O presidente da Deputación de Lugo, José Tomé Roca, presentou o plan de viabilidade invernal para...

Convocan as primeiras xornadas de Saúde Mental en Lugo, a provincia co maior número de suicidios en España

A asociación de voluntariado autonómica Stop Suicidio Lugo anunciou este venres a celebración das...

Brendan Shine, un inglés do Corgo que presenta o seu primeiro libro

Brendan Shine é un músico, cantante e deportista que leva anos asentado no Corgo...