InicioTerra CháCastro de ReiA Xunta declara "iniciativa empresarial prioritaria" a planta de biogás que Agroamb...

A Xunta declara “iniciativa empresarial prioritaria” a planta de biogás que Agroamb proxecta en Castro de Rei

Supón a redución á metade dos prazos de tramitación para levar a cabo o proxecto.

PUBLICADA O

- Advertisement -

A Xunta declarou como “iniciativa empresarial prioritaria” o proxecto da empresa ‘Agroamb Prodalt’, no concello lucense de Castro de Rei, para impulsar “unha nova planta de biogás para a obtención de biometano líquido”.

A Consellería de Economía, Empresa e Innovación explicou que nesta actuación “a compañía prevé investir 22,5 millóns de euros, contribuíndo deste xeito á creación de riqueza e á consolidación de emprego de calidade no rural”.

Para iso, sinala a Consellería nunha nota de prensa, a iniciativa pretende utilizar os residuos orgánicos producidos no sector agrogandeiro e agroalimentario galego como materias primas para obter biometano líquido “a través dun proceso de separación criogénica do biogás producido”.

Así, unha parte do biogás xerado empregaríase para cubrir o autoconsumo da planta e parte do biometano líquido para abastecer a frota de transporte da empresa e dos seus provedores.

A Xunta considera o proxecto de “economía circular”, xa que reduciría a extracción de materias primas, ao aproveitar residuos orgánicos para a obtención de biocombustibles que, á vez, reducen o uso de combustibles fósiles.

Ademais, destacaron que o proxecto inclúe a posibilidade de crear “ao redor de 75 postos de traballo entre directos e indirectos na comarca” por parte deste grupo empresarial que conta co selo de ‘Peme innovadora’ outorgado pola Administración central e que presta servizo a máis de 200 empresas, concellos e institucións, así como a agricultores e gandeiros.

Con esta declaración de “iniciativa empresarial prioritaria” a Consellería que dirixe Francisco Conde enmarca o proxecto en “a filosofía da Lei de Simplificación Administrativa que supón, na práctica, a redución á metade dos prazos de tramitación para levar a cabo un proxecto, ratificando igualmente todas as garantías xurídicas durante o procedemento”.

Con esta, a Administración autonómica xa aprobou 10 iniciativas empresariais prioritarias que prevén “a mobilización de 160 millóns de euros” e “a creación ou mantemento de ao redor de 500 empregos”.

ÚLTIMAS

Ulloa Viva anima á cidadanía a presentar alegacións contra o proxecto de Altri e pide á Xunta ampliar o prazo

A Plataforma Ulloa Viva anima á cidadanía a presentar alegacións contra o proxecto de...

Piden 15 anos por maltratar e agredir sexualmente de forma continuada á súa parella diante do seu fillo menor en Lugo

A Audiencia Provincial de Lugo xulga este xoves, 18 de abril, a un home para o que...

O Concello de Lugo recibe a insignia de honra da Confraría do Bo Xesús no seu 75 aniversario

O edil de Dinamización Económica, Mauricio Repetto, recibiu este sábado en nome do Concello de...

A planta que Altri proxecta en Palas de Rei será a primeira que integre os 2 procesos necesarios para producir Lyocell

A planta que Greenfiber, formada pola enerxética Greenalia e a multinacional lusa Altri, proxecta en Palas de Rei,...