InicioTerra CháCastro de ReiFeijóo promete 40 millóns para impulsar o polo aeroespacial de Castro de...

Feijóo promete 40 millóns para impulsar o polo aeroespacial de Castro de Rei

O presidente da Xunta adiantou que tentarán procurar acordos con empresas privadas para avanzar da carreira dos drons.

PUBLICADA O

- Advertisement -

O presidente da Xunta, Alberto Núñez Feijóo, avanzou un novo “impulso” ao polo aeroespacial de Galicia, situado en Rozas, no concello lucense de Castro de Rei, coa selección de máis socios estratéxicos e tecnolóxicos. Así, segundo adiantou na inauguración do maior evento de drons de España, que se celebra en Santiago, en xullo publicarase unha licitación cun orzamento de partida de 40 millóns e coa previsión de asinar entre catro e oito acordos.

O director de ‘Unvex’, Anxo Macho, reivindicou un “mercado prometedor que chegou para sumar”, o dos drons, en referencia á creación de emprego e riqueza. “Ten moito que achegar”, salientou. Pola súa banda, a secretaria de Estado de Defensa, Esperanza Casteleiro, apelou á “necesidade” de contar cun sector industrial innovador e tecnolóxico “como garantía de resilencia ante as crises”.

“O crecente sector dos vehículos non tripulados demostrou o seu potencial”, remarcou, en alusión a xeración de postos de traballo de alta cualificación. Neste sentido, apostou por que o sector público “exerza o liderado e teña a axilidade necesaria” para “ser capaces de promover un escenario no que as empresas vexan o investimento como a vía máis segura de asegurar a súa produtividade”.

“Firme defensora” da colaboración público-privada, chamou a situar á industria nacional no mercado internacional e destacou “como modelo de éxito” o de Rozas.

“GALICIA XA É REFERENTE”

Pola súa banda, Núñez Feijóo afirmou que “Galicia xa é referente neste ámbito” e “enorgullécese de ser anfitrioa dunha cita moi especial”, centrada nesta edición no uso de drones en servizos que prestan as administracións públicas. Para o titular da Xunta, será unha “oportunidade de intercambiar coñecementos, abordar múltiples aplicacións, novos retos e asuntos tan complexos como a regulación”.

Pola súa banda, fixo balance do cinco primeiros anos de Rozas, cando se logrou mobilizar “case 10 veces máis” do previsto e desenvolvéronse 655 solucións tecnolóxicas e produtos dos cales 60 xa están no mercado.

Entre outros, fixo referencia ao maior dron non tripulado de uso civil construído en España, dúas embarcacións non tripuladas para mostraxe automática de augas mariñas, o helicóptero orientado á loita contra incendios, un sistema de atención a peregrinos en parada cardiorespiratoria, un dispositivo de xeolocalización e un sistema de detención e seguimento de plans forestais.

ÚLTIMAS

O BNG presenta máis de 700 alegacións ao proxecto que Altri expón para implantar en Palas de Rei

O BNG presentou na Xunta máis de 700 alegacións contra o proxecto que Altri quere implantar en Palas...

Veterinarios de Lugo alertan do “risco vital” para mascotas que supón o novo decreto da Xunta sobre uso de medicamentos humanos

O Colexio de Veterinarios de Lugo advertiu de "risco vital" para mascotas e outros animais, como cabalos, tras...

A Plataforma Ulloa Viva constata en Bruxelas que España non solicitou fondos europeos para a fábrica de Altri

A Plataforma Ulloa Viva concluíu a súa visita a Bruxelas para alertar dos impactos...

Detido en Lugo un home por incumprir unha orde de afastamento sobre unha muller

A Policía Local de Lugo detivo na mañá do pasado luns a un home por...