InicioSucesosEscapan nun Porsche logo do asalto frustrado a un caixeiro en Begonte

Escapan nun Porsche logo do asalto frustrado a un caixeiro en Begonte

A Garda Civil investiga a catro individuos fuxidos en dirección a Madrid nun Porsche coa matrícula modificada co que tentaran rebentar o caixeiro

PUBLICADA O

- Advertisement -

A Garda Civil de Lugo segue a pista dos autores do asalto frustrado a un caixeiro en Begonte. Os catro asaltantes evadíronse nun vehículo de alta gama, un Porsche, tralo aviso da veciñanza ás forzas da orde.

O intento de roubo na sucursal de Caixa Rural implicou a catro individuos coa faciana tapada e un Porsche que, segundo fontes da investigación, podería ter a matrícula dobrada para evitar a identificación.

Contra as tres da madrugada, a Garda Civil recibiu aviso de que os ladróns tentaban desabolar o caixeiro, empregando con tal fin o deportivo e ferramentas manuais. A chegada do Instituto Armado precipitou a fuxida en dirección Madrid.

Un asalto semellante ao de decembro en Lugo

Os responsables da investigación descoñecen se o feito está relacionado cun evento semellante, acontecido a comezos de decembro de 2018. Naquela ocasión, outros catro individuos tentaron roubar na oficina de Caixa Rural de Montero Ríos, na capital lucense. Os encapuchados accederan ao interior da sucursal, mais, no intre en que soou a alarma, decidiron marchar do lugar.

ÚLTIMAS

A alcaldesa de Lugo avoga por que a esquerda “axunte esforzos” na súa provincia para evitar “voto inútil”

A alcaldesa de Lugo, Lara Méndez, considera que a esquerda "debe axuntar esforzos", tamén na...

A provincia de Lugo desprega 112 operarios e 64 máquinas para garantir a seguridade viaria este inverno

O presidente da Deputación de Lugo, José Tomé Roca, presentou o plan de viabilidade invernal para...

Convocan as primeiras xornadas de Saúde Mental en Lugo, a provincia co maior número de suicidios en España

A asociación de voluntariado autonómica Stop Suicidio Lugo anunciou este venres a celebración das...

Brendan Shine, un inglés do Corgo que presenta o seu primeiro libro

Brendan Shine é un músico, cantante e deportista que leva anos asentado no Corgo...