InicioCulturaMorre o vilalbés Ramón Chao, unha das grandes voces do xornalismo galego

Morre o vilalbés Ramón Chao, unha das grandes voces do xornalismo galego

O benquerido defensor da liberdade de prensa e reivindicador da lingua galega finou en Barcelona aos 82 anos

PUBLICADA O

- Advertisement -

Músico, escritor e xornalista, Ramón Chao naceu en Vilalba en 1935. Cursou estudos entre Madrid e París, cidade onde perfeccionou a habilidade co piano e co tempo mudaría en profesional da información. Na década dos sesenta comezou a traballar para Radio France coma responsable dos contidos culturais en portugués e español, para máis tarde acadar a posición de xefe de emisións neses idiomas. Durante aquel tempo conduciu emisións en galego, prohibidas pola dictadura de Franco.

Sen perder o contacto con Galicia, o vilalbés foi correspondente da revista Triunfo, colaborador de Le Monde e Le Monde Diplomatique, e habitual na televisión francesa; tamén participou en produccións cinematográficas e deixou máis de vinte obras escritas, varias en colaboración con Jacek Wozniak e Ignacio Ramonet. Por estes fitos foi candidato neste 2018 ao premio José Couso de Liberdade de Prensa.

No eido familiar, Ramón Chao é coñecido por ser irmán do teólogo e escritor Xosé Chao, xa finado, e por ser pai de Manu e Antoine, fundadores do grupo Mano Negra. Benquerido en Lugo e especialmente en Vilalba, onde un monumento honra a súa figura, diversos persoeiros da cultura e a política lembraron hoxe a memoria desta voz fundamental do xornalismo galego. Entre outros, Ana Pontón, Martiño Noriega, Xosé Manuel Pereiro ou o Colexio de Xornalistas deixaron mensaxes en homenaxe a Ramón Chao.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...