InicioPolíticaMuras denuncia o agravio comparativo no investimento da Deputación

Muras denuncia o agravio comparativo no investimento da Deputación

O rexedor murense, Manuel Requeixo, reuniuse co presidente da Deputación para trasladar a inquedanza por tres anos sen investimento nas vías proviciais

PUBLICADA O

- Advertisement -

Tres anos sen investimento nas estradas provinciais no termo municipal de Muras. Esta circunstancia é cualificada polo Bloque Nacionalista Galego, que goberna no concello, coma un agravio comparativo. Así llo trasladou o alcalde Manuel Requeixo ao presidente da Deputación, Darío Campos, en compañía do deputado nacionalista Antonio Veiga.

Para o executivo local de Muras, a autoridade provincial debe solucionar de xeito urxente a débeda que mantén coa localidade dende comezo de mandato. “Os investimentos en infraestruturas foron practicamente inexistentes”, censuran dende o BNG. A formación pide á Deputación que realice obras urxentes para o mantemento e a mellora das vías da rede provincial.

Dende o Bloque sinalan que “estradas tan importantes” coma as que conectan o centro de Muras ou en dirección a Viveiro “están necesitadas dun arranxo”. De tardar en realizarse a rehabilitación, advirten, o custe será cada vez maior. A solicitude chega apenas medio ano despois da última reclamación realizada polo alcalde Manuel Requeixo, que consideraba xa entón “lamentable” a situación das vías da parte norte e leste do concello.

Así, expoñen que existen investimentos comprometidos dende o 2015 sen que aínda fosen executados, e cren “de xustiza” que a Deputación adique a este concello “unha partida importante” dentro do plan de estradas provinciais “para acometer todas as tarefas pendentes”.

Estas demandas trasladadas polos emisarios do BNG á máxima autoridade da provincia de Lugo “respostan a unha necesidade social clara” e a “unha cuestión de equidade e xustiza” no reparto de fondos. “En Muras pagan os seus impostos igual ca em calquera outro municipio”.

ÚLTIMAS

XXI Xornadas Técnicas de Seragro: 14 e 15 de novembro

O comité organizador das XXI Xornadas Técnicas de Seragro está xa a traballar na...

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Detido un veciño de Mondoñedo tras romper peches de campos de pasto de gando vacún

A Garda Civil detivo a un veciño da localidade lucense de Mondoñedo tras romper...

Cáritas advirte da existencia dunha “feminización da pobreza” na cidade durante o 2023

Cáritas Diocesana de Lugo alertou este xoves, durante o acto de presentación dos datos recolleitos...