A Garda Civil recuperou 580 quilos de cable de cobre subtraído en dúas actuacións levadas a cabo en Triacastela, e culminou unha investigación que se iniciou en abril na que se detivo a tres persoas.
Segundo informou a Comandancia de Lugo, a operación comezou en abril, cando se arrestou a tres persoas integrantes dunha banda especializada no roubo de cable de cobre, e interviñéronse 380 quilos deste material.
O pasado martes, noutro operativo e grazas á colaboración cidadá, a Garda Civil conseguiu intervir outros 200 quilos de cable de cobre.
O cable recuperado foi posto a disposición do Xulgado competente, aínda que permanece baixo custodia da empresa propietaria.
Segundo destacou o Instituto Armado, este tipo de feitos xera unha “notable alarma social nas zonas afectadas” e ocasiona graves prexuízos económicos ás empresas propietarias, ademais de provocar incidencias en infraestruturas de comunicacións e servizos esenciais.
