A Garda Civil informou da condición de investigado do condutor dun turismo que circulou polas vías LU-115 e LU-113, baixo os efectos do alcol e invadindo en numerosas ocasións o carril reservado ao sentido contrario, “contradicindo as máis elementais normas de seguridade e con evidente risco para o resto de usuarios da rede viaria”.

Segundo relata nun comunicado, os feitos delituosos tiveron lugar o pasado 30 de outubro e, tras ter constancia, o G.I.A.T. da Garda Civil de Lugo realizo xestións para localizar ás testemuñas presenciais e analizar as gravacións efectuadas coa finalidade de identificar a outras testemuñas potenciais e ao presunto autor dos feitos delituosos.

Ditas xestións culminaron coa investigación do condutor do turismo como suposto autor dun delito contra a seguridade viaria por condución temeraria e condución baixo a influencia de bebidas alcohólicas. As dilixencias policiais foron entregadas no Xulgado de Instrución de Garda de Lugo.