A Garda Civil auxiliou a unha persoa que camiñaba desorientada pola noite pola autovía A-8 ao seu paso pola localidade lucense de Mondoñedo. Segundo informou o Instituto Armado, os feitos sucederon durante a madrugada do pasado luns, cando ao localizar á persoa os axentes constataron que non lle podería facilitar a súa filiación correcta polo estado de saúde no que se atopaba.

Ante isto, a persoa foi trasladada en primeira instancia ao centro hospitalario de Burela, onde estivo ingresada varias horas e, tras a realización das probas médicas pertinentes, foi evacuada ao HULA onde foi ingresada. Previamente ao seu traslado ao centro médico déronlle roupa e calzado, e xestiónase o seu acondicionamento en estancias municipais situadas en Vilanova de Lourenzá.

Durante a xornada deste martes, os axentes identificaron á persoa, unha veciña da Comunidade de Madrid, de 55 anos. As dilixencias policiais foron remitidas ao Xulgado de Instrución número 1 de Mondoñedo.