- Advertisement -
A Garda Civil investiga a un veciño de Monterroso, de 44 anos de idade, como suposto autor dun delito de furto, pola subtracción de 660 metros de cable de cobre. Segundo informaron fontes da Comandancia, o furto ocorreu nunha nave en construción situada no polígono industrial de Palas de Rei, de onde o sospeitoso levou diverso material de obra, ademais do cable de cobre. As investigacións puideron constatar que o suposto ladrón realizaba a venda do cable por ‘goteo’, en diferentes establecementos, para evitar levantar sospeitas. As dilixencias e a persoa investigada foron postos a disposición xudicial.
