Axentes da Policía Nacional da Comisaría de Lugo detiveron a dous homes e unha muller como supostos autores dun delito contra a saúde pública, por tráfico de drogas. Segundo informaron fontes policiais, con estas detencións erradicouse un punto negro na zona sur da cidade que, ademais, estaba situado nas inmediacións de varios centros escolares, onde os detidos realizaban vendas polo miúdo de drogas.

A investigación policial permitiu a identificación e a detención do tres sospeitosos, e levou a cabo un rexistro no domicilio do principal implicado. En total, interviñéronse máis de 300 doses de cocaína, útiles para a preparación e venda da droga, e 2.500 euros; e o sospeitoso principal ingresou en prisión.