Un home caeu desde o tellado da súa casa no lugar de Airexe, en Ligonde -Monterroso (Lugo) e tivo que ser trasladado ao Hospital Lucus Augusti da capital lucense. Segundo recolle o parte do 112 Galicia, o aviso chegou a través do 061, que comunicou o ocorrido sobre as 17,10 horas deste mércores. Ata o lugar trasladouse o helicóptero medicalizado con base en Ourense.

Para sinalizar e dar apoio ás manobras de aterraxe da aeronave, que tomou preto do lugar dos feitos, o 112 Galicia solicitou a colaboración da Garda Civil, do GES de Monterroso e da Agrupación de Voluntarios de Protección Civil da localidade. Finalmente, os membros do GES confirmaron o traslado do ferido na aeronave ao Hospital Universitario Lucus Augusti (HULA).