A Policía Local de Lugo abriu dilixencias por delito contra a seguridade viaria contra unha condutora, que foi localizada, por segunda vez, circulando sen ter o permiso de conducir.

Os axentes déronlle o alto na avenida de Ramón Ferreiro, comprobando que carecía do permiso por non obtelo nunca. A muller, de 48 anos, xa foi interceptada en novembro do pasado ano polo mesmo motivo.

POSITIVO EN ALCOLEMIA

Ademais, na rúa Illa de Man unha patrulla deu o alto a un vehículo, observando que o seu condutor presentaba síntomas de estar baixo a influencia do alcol, dando un resultado positivo de 0,72 miligramos por litro.

Por condutores que superaron a taxa de alcolemia, a Policía Local de Lugo abriu expediente sancionador contra varios condutores, segundo informa.