InicioSucesosIdentifican a un home "multirreincidente" por conducir sen permiso

Identifican a un home “multirreincidente” por conducir sen permiso

O vehículo tampouco tiña o seguro obrigatorio e o seu titular non presentara a ITV no prazo debido

PUBLICADA O

- Advertisement -

Axentes da Policía Local de Lugo identificaron a un home multirreincidente por conducir sen permiso de circulación e de forma irregular.

Segundo informou a Policía, na tarde do 1 de marzo, a Unidade de Territorial de Policía de Barrio intensificou os controis de seguridade do centro, no que detectaron no Camiño Real a “circulación irregular” dun vehículo.

Ao ser detido, puideron comprobar que o condutor carecía de permiso de circulación por condena xudicial, polo que se instruíron dilixencias por un delito contra a seguridade viaria. O vehículo foi inmobilizado.

Ademais, os axentes comprobaron que o vehículo tampouco tiña o seguro obrigatorio e o seu titular non presentara a ITV no prazo debido, polo que se abriu tamén un expediente sancionador con multa de 1.700 euros.

“MULTIRREINCIDENTE” DESDE XULLO DO 2022

Este condutor, explica a Policía Local, é multirreincidente, xa que foi interceptado por efectivos en diferentes datas: xullo de 2022, por un delito contra a seguridade viaria por conducir con altas taxas de alcol; setembro de 2022, por un delito contra a seguridade viaria por carecer de permiso; febreiro de 2023, por carecer de permiso por resolución xudicial; e 19 de febreiro, de novo por un delito contra a seguridade viaria por conducir sen permiso e arroxar unha taxa de alcol nas probas de alcoholemia superior á permitida.

Doutra banda, neste dispositivo a Policía Local detectou a un condutor profesional que lanzou un resultado positivo de 0,29 mg/l nas probas de alcolemia ás que foi sometido, cando a taxa máxima é de 0,15mg/l, polo que se abriu un expediente sancionador con multa de 500 euros e a retirada de catro puntos do permiso de conducir.

Adicionalmente detectáronse cinco vehículos cuxos propietarios non presentaban a ITV no prazo debido; seis vehículos que non contaban con seguro de coche; un vehículo cuxo condutor non realizara o cambio dun permiso estranxeiro; e foi denunciado e interceptado o condutor dun patinete eléctrico por circular dúas persoas encima.

ÚLTIMAS

Detida en Lugo unha muller que ameazaba a viandantes cun coitelo carniceiro

A Policía Local de Lugo detivo na madrugada do pasado sábado a unha muller que portaba un...

O novo xefe da comandancias de Lugo, ante o reto de “seguir profundando nunha provincia segura”

O delegado do Goberno en Galicia, Pedro Blanco, recibiu aos novos xefes das comandancias de...

As obras na catedral de Lugo revelan un tramo dunha cloaca romana

Os traballos que a Xunta de Galicia realiza na Catedral de Lugo revelaron un...

PP de Lugo e de Asturias piden explicacións pola ausencia da Gran Senda do Navia no programa Camiños Naturais

Senadores do PP de Lugo e de Asturias reuníronse este luns en Navia de...