Aparece con vida, pero desorientado e con feridas, un veciño de Palas de Rei que desaparecera

Foi trasladado á PAC polo equipo de Urxencias Sanitarias.

Emerxencias 112 Galicia / ALX

O 112 Galicia informou de que a pasada noite tivo constancia da desaparición dun home en Palas de Rei, que foi localizado posteriormente con vida por uns veciños, aínda que se atopaba desorientado e con feridas de carácter leve. Foi trasladado á PAC polo equipo de Urxencias Sanitarias.

A chamada de alerta ao 112 Galicia foi recibida ás 21,15 horas e partiu dun particular. Tras recibir o aviso, mobilizouse a axentes da Garda Civil, membros do GES de Friol e efectivos de Protección Civil da localidade.

Pouco antes das 23,00 horas, os efectivos de emerxencia que participaban na busca contactaron co 112 Galicia para informar de que o home fora atopado por particulares nas proximidades da zona de Pambre.