InicioSucesosOs pais de Lugo acusados de maltratar ao seu bebé que ten...

Os pais de Lugo acusados de maltratar ao seu bebé que ten lesións permanentes: “Nunca o golpeamos”

Descoñecen onde se puido ter provocado as lesións permanentes que ten.

PUBLICADA O

- Advertisement -

A parella de Lugo acusada de maltratar ao seu bebé ata provocarlle danos físicos e neurolóxicos permanentes negaron golpear ou abanear ao neno, que padece cegueira no ollo esquerdo e unhas lesións cerebrais polas que necesitará asistencia durante toda a súa vida.

Este martes tivo lugar na sección segunda da Audiencia Provincial de Lugo a xornada inaugural do xuízo contra estes pais, para os que Fiscalía e acusación particular, exercida pola Xunta, piden 14 anos de cárcere, respectivamente, por delitos de malos tratos continuados e lesións.

O Ministerio Público sostén que os pais agrediron ao bebé “en reiteradas ocasións” desde 2019, “golpearono e abanearono cando se puña a chorar”. Ademais, aseguran que os pais non atenderon debidamente “as necesidades do menor”, que cando se produciron os feitos apenas tiña tres meses, e “non o mantiveron nas condicións hixiénicas e sanitarias saudables, nin cumpriron coas revisións pediátricas correspondentes”.

Durante a súa declaración, os acusados, cuxa defensa pide a libre absolución, negaron maltratar ao neno e defenderon que “se cadra ao collelo do berce” cando se puña a chorar facíano “con forza”.

Así, o proxenitor asegurou ante a sala que descoñece como se puideron producir as lesións graves que padece o neno, que permanece desde fai tres anos cunha familia de acollida. “Xamais o golpeei”, declarou o pai, que tamén negou que o bebé non fose sometido ás revisións pediátricas necesarias.

E é que Fiscalía e Xunta sosteñen, ademais, que os pais non atendían as necesidades sanitarias do bebé, que residía con eles baixo “condicións deplorables” de falta de hixiene no domicilio familiar, onde aseguran que se acumulaba o lixo nos cuartos. Fronte a isto, o acusado alegou que naqueles momentos carecían de ingresos e que terminaron por “acomodarse” na casa onde, segundo a acusación, vivían baixo condicións de insalubridade.

ÚLTIMAS

Aviso amarelo por treboadas localmente fortes en toda a provincia este martes

Unha borrasca no oeste deixou choivas xeneralizadas nas horas centrais deste luns, con intensidade puntualmente...

Primeiros servizos ‘Intercity Express’ para reforzar as conexións directas A Coruña-Lugo-A Mariña

O Consello da Xunta aprobou este luns o proxecto de acordo polo que se autoriza a contratación...

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...