Morre un mozo de 35 anos mentres montaba unha atracción para as festas de San Froilán

O home caeu desde unha escaleira.

Unha atracción de feira durante as festas de San Froilán, patrón de Lugo, a 4 de outubro de 2021, en Lugo. Carlos Castro - Europa Press

Un mozo de 35 anos faleceu este luns cando traballaba na montaxe dunha estrutura dunha atracción para as festas de San Froilán en Lugo, que arrincan o 4 de outubro.

Segundo confirmaron fontes dos servizos de emerxencias e do Concello, o accidente tivo lugar sobre as 15,45 horas da tarde deste luns.

O operario caeu desde unha escaleira, a unha altura de varios metros. Ata o lugar desprazouse unha ambulancia medicalizada, pero o home faleceu no acto.

Ademais dos servizos sanitarios, tamén se mobilizaron efectivos da Policía Local e da Policía Nacional.