InicioLugo e contornaLugoA Policía Local de Lugo intervén pola agresión dun home á súa...

A Policía Local de Lugo intervén pola agresión dun home á súa compañeira de piso

Os axentes realizaron varias batidas pola zona da agresión para tentar localizar ao responsable, "con resultado negativo".

PUBLICADA O

- Advertisement -

Axentes da Policía Local de Lugo interviñeron pola agresión dun home á súa compañeira de piso, á que propinou unha puñada na cara na noite do sábado ao domingo pasado.

Segundo informou a Policía Local, axentes de Policía de Barrio interviñeron na noite do sábado ao domingo na rúa Julia Minguillón pola agresión dun home a unha muller, quen identificou o agresor, que se ausentou do lugar, como o seu compañeiro de piso.

O individuo, indican as mesmas fontes, propinoulle unha puñada na cara que alcanzou o ollo e pómulo dereito, cuxas secuelas observaron os axentes.

As mesmas fontes sinalan que, supostamente, estes feitos se deben a que a muller foi denunciada no pasado polo agresor. Debido ás lesións, foi necesaria a presenza dunha ambulancia do 061 para ser atendida en plena rúa. Posteriormente foi levada á PAC de Fingoi, onde foi atendida no servizo de urxencias.

A Policía Local sinalou que a muller pretendía presentar denuncia. Os axentes realizaron varias batidas pola zona da agresión para tentar localizar ao responsable, “con resultado negativo”.

CONDUTORES

Por outra banda, na tarde do pasado venres a Policía Local foi mobilizada por unha discusión entre dous condutores na rúa Quiroga Ballesteros, onde foi necesaria a intervención dunha dotación policial ao tratar de estacionar ambos nunha mesma praza de aparcadoiro.

Supostamente o home implicado, indican as mesmas fontes, “proferiu palabras ofensivas e comentarios machistas” en “actitude ameazante” cara á muller cando ela aínda non baixara do vehículo. Os axentes axudáronlles a cubrir o parte e mediaron para tranquilizar a situación e informaron á muller do procedemento para seguir en caso de querer presentar denuncia.

FURTO

Así mesmo, na noite do sábado ao domingo a Policía Local interveu na discoteca Puro Teatro onde supostamente un mozo subtraeu o bolso a unha muller que o tiña apoiado sobre a barra e debaixo dunha peza de roupa. A vítima asegurou que o mozo implicado é coñecido por este tipo de actuacións. Posteriormente o bolso da muller foi recuperado no baño de cabaleiros, do que botou en falta o teléfono móbil e as chaves de casa.

ÚLTIMAS

A neve e a choiva dificultaron este domingo a circulación nas estradas de 10 concellos de Lugo

A Deputación de Lugo activou este domingo un operativo para facer fronte aos efectos...

A restauración da Capela da Soidade de Lugo terminará en abril e permitirá a saída dos pasos de Semana Santa

As obras de restauración da Capela da Soidade da Venerable Orde Terceira en Lugo...

A neve complica a circulación e corta o paso de camións na A-6 desde Portela de Valcarce a Pedrafita

A neve caída nas últimas horas complica a circulación e corta o paso de...

Cervantes rexistra ata 20 centímetros de neve nunha xornada na que a Deputación despexa as estradas

O Concello de Cervantes foi un dos máis afectados na provincia de Lugo pola...