InicioSucesosInterceptados en Lugo tras realizar unha competición en pleno centro de Lugo...

Interceptados en Lugo tras realizar unha competición en pleno centro de Lugo e ir borrachos

Conducían de forma temeraria.

PUBLICADA O

- Advertisement -

Axentes da Policía Local de Lugo interceptaron nas últimas horas a dous condutores que circulaban de forma temeraria, con velocidade excesiva e facendo ‘trompos’, e que deron positivo no test de alcoholemia.

Segundo informaron fontes policiais, unha patrulla detectou sobre as 2,10 horas desta madrugada a dous vehículos que circulaban pola Avenida de Madrid, no que parecía unha competición de velocidade. Un dos condutores fixo un ‘trompo’ nunha glorieta e ambos saltaron o semáfoto en vermello na rúa San Roque con Hermanitas.

A continuación entraron na Praza de Catasol, onde foron interceptados polas patrullas do 092. Os axentes observaron que os condutores presentaban signos de embriaguez, polo que lles fixeron o test de alcoholemia, que arroxaron resultados positivos de 0,55 e 0,40 mg/l.

Por estes feitos inmobilizáronse ambos os coches e tramitáronse senllas denuncias: o condutor coa taxa de alcoholemia máis elevada enfróntase a multa de ata 1.000 euros e retirada de 6 puntos do carné, mentres que o outro pode recibir unha multa de 500 euros e perder 4 puntos do permiso de conducir.

CONDUTORA SEN CARNÉ

Por outra banda, a Policía Local de Lugo tamén informou da identificación dunha condutora que circulaba sen permiso de conducir, xa que o perdeu por perda total dos puntos.

A muller foi detectada no polígono industrial das Gándaras e, como autora dun suposto delito contra a seguridade viaria, enfróntase a penas de 3 a 6 meses de prisión ou traballos comunitarios. A Policía Local tramitou dilixencias para un xuízo rápido.

ÚLTIMAS

Morre un home tras ser rescatado inconsciente dun río en Chantada

Un home faleceu na tarde deste martes tras ser rescatado inconsciente no embarcadoiro de...

Así quedou restaurado o mural de Lugo por Palestina tras ser atacado

"O pasado domingo 14 rematouse de pintar un mural en apoio a Palestina e...

Dous homes investigados por pescar troitas con electricidade no río Rodil

A Garda Civil investiga a un veciño da Fonsagrada, de 72 anos, e a...

Detidos dous veciños de Lugo acusados de roubar 200 quilos de cobre nunha empresa

A Garda Civil detivo en Vilalba a dous veciños de Lugo acusados de roubar 200 quilos...