A Policía Científica remata de recoller probas para analizar e coñecer a orixe do incendio do Ceao

Os axentes realizaron “o percorrido inverso ao que fixo o lume” para chegar á orixe do mesmo.

Incendio en varias naves do Poligono Industrial do CEAO.. CARLOS CASTRO/EUROPA PRESS

EFE |  Os axentes da Brigada Provincial de Policía Científica de Lugo e Madrid deron por finalizado “o traballo de campo” para determinar a orixe do incendio do Ceao, iniciado o pasado 11 de abril.

Segundo a información facilitada a Efe pola Comisaría provincial, os axentes que participaron na investigación, na que se solicitou mesmo a colaboración de guías caninos para detectar a posible presenza de “acelerantes”, realizaron “o percorrido inverso ao que fixo o lume” para chegar á orixe do mesmo.

Para completar a investigación, ademais da inspección ocular, “recolleron todo tipo de indicios” que agora serán analizados en diversos laboratorios do Corpo Nacional de Policía para chegar a unha conclusión. Posteriormente, ese informe elaborado pola Científica será remitido á Policía Xudicial, que se ocupará do seu traslado ao Xulgado.

DEIXAR UN COMENTARIO

Please enter your comment!
Please enter your name here