Dous traballadores que realizaban tarefas no Corgo foron evacuados de urxencia tras sufrir unha caída desde unha altura de cinco metros.

O suceso, do que informa o CIAE 112 Galicia, tivo lugar ás 14:45 horas deste mércores, cando os operarios se atopaban realizando o seu traballo no campo da festa e sufriron unha caída desde uns cinco metros de altura.

Tras recibir o aviso, Urxencias Sanitarias 061 mobilizou os seus efectivos para atender ás vítimas. Unha delas presentaba feridas de gravidade e foi trasladado xunto co seu compañeiro ao centro médico de referencia.