EFE | O condutor dunha motocicleta, que carece de permiso de conducir en vigor, resultou ferido de gravidade nun accidente no que se viron implicados dous turismos na cidade de Lugo.

Segundo informou a Policía Local, o sinistro produciuse ás 16:25 horas na Rolda de Valle Inclán. O condutor da motocicleta resultou ferido de gravidade e foi trasladado en ambulancia ao HULA.

O equipo de atestados comprobou que o condutor da moto carecía de permiso de conducir en vigor, de modo que, dadas as lesións que sufriu a causa do accidente e ante a imposibilidade de sometelo ás correspondentes probas de alcol e drogas, solicitóuselle ao Xulgado de Garda permiso para realizar as devanditas comprobacións a partir das mostras de sangue extraídas con fins terapéuticos.

Os axentes da Policía Local instrúen dilixencias por un suposto delito contra a seguridade viaria.