EFE | Axentes da Policía Local de Lugo localizaron na cidade un paciente que se escapou do Hospital de Calde, onde se sitúa a unidade de psiquiatría do Sergas, vestido mesmo coa roupa do centro sanitario.

Sucedeu o pasado 9 de novembro, sobre as 13:20 horas, cando persoal do Hospital de Calde pediu axuda á Policía Local a través da sala do 092 para localizar un paciente que se marchara do centro.

Unha patrulla da Unidade Territorial de Policía de Barrio localizouno na Rúa San Roque, no centro urbano da cidade, fronte á capela que lle dá nome ao barrio. O paciente aínda levaba vestida a roupa do hospital.

Os axentes trasladárono de volta ao centro médico nun coche patrulla e deixárono a cargo do persoal facultativo.